بيني و بين موت قلبي لحظة وتفوت
قلتله:"حرام عليك"غلبه السكوت
ملحقتش لسه أحب وأعشق,قال يا سلام
أمال يعني أنا ليه دلوقتي بموت؟؟
,,,,,,,,,,,
زمان أهو راح و بقينا أغراب
زمان قلت بحبك عدد ذرات التراب
و أديني علقت على قلبي يافطة
كتبت عليها.. ممنوع الاقتراب
,,,,,,,,,,,
و يا حب منين أجيب تاني أيام
لأجل اسمع منك العبر و الكلام
أنا عمري راح..لا فهمتك و لا لقيتك
ولاقلتك و اتحسبت عليا والسلام
,,,,,,,,,,,
هل أقدر أقول للعمر متمشيش؟
لحد ما يبان للجناح ريش
الزمن مش تحت أمر القلوب
يستناها لأجل تحب و تعيش
,,,,,,,,,,,
يناير 2008
