بيني و بين موت قلبي لحظة وتفوت
قلتله:"حرام عليك"غلبه السكوت
ملحقتش لسه أحب وأعشق,قال يا سلام
أمال يعني أنا ليه دلوقتي بموت؟؟
,,,,,,,,,,,
زمان أهو راح و بقينا أغراب
زمان قلت بحبك عدد ذرات التراب
و أديني علقت على قلبي يافطة
كتبت عليها.. ممنوع الاقتراب
,,,,,,,,,,,
و يا حب منين أجيب تاني أيام
لأجل اسمع منك العبر و الكلام
أنا عمري راح..لا فهمتك و لا لقيتك
ولاقلتك و اتحسبت عليا والسلام
,,,,,,,,,,,
هل أقدر أقول للعمر متمشيش؟
لحد ما يبان للجناح ريش
الزمن مش تحت أمر القلوب
يستناها لأجل تحب و تعيش
,,,,,,,,,,,
يناير 2008
هناك 4 تعليقات:
الله عليكى يا ايمان
كل رباعية أروع وأجمل من إللى قبلها
يا بنتى قوليلى بس بتجيبى الإبداع ده منين وأنا أروح اشتريه
:))
بيني و بين موت قلبي لحظة وتفوت
قلتله:"حرام عليك"غلبه السكوت
ملحقتش لسه أحب وأعشق,قال يا سلام
أمال يعني أنا ليه دلوقتي بموت؟؟
,,,,,,,,,,,
و يا حب منين أجيب تاني أيام
لأجل اسمع منك العبر و الكلام
أنا عمري راح..لا فهمتك و لا لقيتك
ولاقلتك و اتحسبت عليا والسلام
,,,,,,,,,,,
الله يا دكتورة على الكلام ..
أول واحدة معبرة اوي اوي ، الكلام في ايد الفنان بيتحول لمشاعر عميقة فعلا .. كأنه التراب والمية لما يتحولوا لتمثال جمبل ..
انتي فنانة يا دكتورة لأن الفن اصلا احساس وانتي بتعرفي تحسي بجد ..
ربنا يخليكي يا نهى انت و عمرو,,بجد يا جماعة تعليقاتكوا بتخليني أفرح قوي,,لأنكوا مبدعين:))
إرسال تعليق