يا بخت الدخان من عدم لعدم
يا بخته اللي رايح من غير ألم
من فين و لفين أنا رايح؟
أنا و قلب..وشوية عمر و ألم
...................
عشان الطرق دواير مش بوصل
ولا فارق معايا ايه الي يحصل
راجع هنا تاني,ورايح هناك تالت
لأني ليا بيت عنه مش بسأل
..................
عارف السحاب أن خطاه لمطر
و عارف الطير معنى فراق الشجر
و أديني ماشي ف طريقي,عرفت
أن حلو الكلام بيفضل عبر
..................
لو فين أرض التعب.. بتبان
وخطاوي طايلاها من غير عنوان
كان ليه يا كلام يا حلو الصوت
يا تراب ماشي على تراب مهما كان
.................
يناير2008
هناك تعليقان (2):
لو الصوت بيوصل كنتي سمعتي التصفيق ....
لو الاحساس بيوصل كان هيوفر على اني اوصفلك انبهاري ...
احساسك بيكبر وتعبيرك عنه بينضج مع كل مرة عن اللي قبلها ..
مش هعرف اختار المرة دي حاجة عن حاجة ... لاني لو اخترت لازم احطهم كلهم ...
و الله يا عمرو كفاية عليا انك انت اللي بتقوللي كدة.
إرسال تعليق