عروسة مربوطة بتلاتين فتلة
تحريكها متعة و حاجة سهلة
بس كتر اللعب دوب الخيط
و اللعبة يوم تقدم متبقاش أحلى
,,عروستي
..........
عروسة قصاقيص و تلاوين
كلمة و ضحكة وحركتين
بس كله قماش و خشب
سوا القلب أو العينين
,,عروستي
..........
عروسة بريئة و شقية
نقيتها من وسط مية
لكن الحــــال انقلب
و عروستي لعبت بيا
,,عروستي
..........
عروستي تبصلي متتكلمش
بغير لها بكيفي الهدوم و الوش
ف يوم جت تقوللي مزاجى كدة
كنت فاكر العروسة متعترضش
,,عروستي
..........
عروستي كانت بادي الأمر عدم
بيها رجع لي ماضي افتكرته اتردم
قالوا لبس البوصة, وكان بيدي
لبستها حلم, و لبست أنا ندم
,,عروستي
...........
نوفمبر 2007
هناك تعليقان (2):
يا دنيتك اللي رسمتيها بشوية كلام رماني جواها وحسسني معانيها ... هواها لمس وشي ... وليلها ونور قمرها صحوني ....
ايه ده؟؟!!
أنا كدة هعيط,,ده كلام كبير يا فنان
بجد وصف الكلام أحلى من الكلام نفسه :)
إرسال تعليق