ريح عاتي لكن ورق الشجرة ثابت
سألت نفسي معقول؟تكون الشجرة ماتت
شجرة عنيدة..قبلت تكون حجر
خايفة من اللوم لو مع الريح مالت
,,,,,,,,,,,,,,,,,,,,
و قال بيقولوا عالقطط غدارين
مفكروش القطة بتخربش مين؟
من مــد ايده قاصد لها تتــأذي
ده خوف..انما الغدر م البني آدمين
,,,,,,,,,,,,,,,,,,,,
ليه كل الكلام بقى يهون
لا جــرح يمنع و لا وعد يصــــون
لو بـــس أعــرف ســبب و أفــهمه
أعمل ايه يا حجرعشان زيك أكون
,,,,,,,,,,,,,,,,,,,,
مش كل الدنيا علم و قوانين
يبقى الفعل و رد فعله لمين
لو هو عدم كان ليه اتوجد
كدبت عليا الناس و السنين
,,,,,,,,,,,,,,,,,,,,
لو ابن آدم يراجع نفسه ف اللي فات
كان عرف ان الدود ميعرفش مقامات
و تحت الأرض هيتساوى بغيره
لأنه مش هيندفن ف السما لو مات
,,,,,,,,,,,,,,,,,,,,
نوفمبر2007
هناك تعليقان (2):
أولا ... مبروووك على المدونة .... واهو رمي الورق جه بفايدة علشان فكرك بالتعليمات بتاعت معتز ....
,,,,,,,,,,,,,,,,,,,,
ريح عاتي لكن ورق الشجرة ثابت
سألت نفسي معقول؟تكون الشجرة ماتت
شجرة عنيدة..قبلت تكون حجر
خايفة من اللوم لو مع الريح مالت
,,,,,,,,,,,,,,,,,,,,
لو ابن آدم يراجع نفسه ف اللي فات
كان عرف ان الدود ميعرفش مقامات
و تحت الأرض هيتساوى بغيره
لأنه مش هيندفن ف السما لو مات
,,,,,,,,,,,,,,,,,,,,
دول احلى اتنين ... مع ان التانية فيها سنة كسر بس جميلة ....
مبروك علينا دخولك عالم المدونيييين ....
الله يبارك فيك يا عمرو :))
انا لازم اقرا مدونتك و متأكدة انها هبقى اجمل
إرسال تعليق